vi(n)ewers

these all are our navayuva page friends. my great salutes to them.


Pageviews by Countries

India 537 United States 226 Russia 19 Germany 3 Indonesia 2 Brazil 1 Chile 1 Malaysia 1 Saudi Arabia 1

antarctica

   

 భూమిపై మ‌నిషి జీవ‌నం సాగించ‌ని ప్రాంతం ఏదైనా ఉందా? ఇత‌ర గ్ర‌హాల‌పై జీవుల ఉనికి కోసం అన్వేష‌ణ‌ కొన‌సాగిస్తున్న త‌రుణంలో వాతావ‌ర‌ణం , నీరున్న భూమిపైనే త‌న ఉనికి లేని ప్రాంతం కూడా ఉంద‌ని 1820లోనే గుర్తించ‌గ‌లిగాడు. అదే అంటార్కిటికా ఖండం. భూమిపైగ‌ల ఏడు ఖండాల్లో ఈ ఒక్క ఖండ‌మే మ‌నిషి శాశ్వ‌త జీవ‌నం సాగించ‌లేని ఏకైక ప్రాంతం. అంటార్కిటికా ఖండం విస్తీర్ణంలో అయిదోది. ఆసియా, ఆఫ్రికా, ఉత్త‌ర అమెరికా, ద‌క్షిణ అమెరికా ఖండాల త‌ర్వాత‌ది. ఆస్ట్రేలియా విస్తీర్ణం కంటే రెండు రెట్లు, యూర‌ఫ్ కంటే 1.3 రెట్లు పెద్ద ఖండం. ఏడాదిలో అదీ వేస‌విలోనే వెయ్యి నుంచి అయిదు వేల మంది ఇక్క‌డ‌ అడుగు పెడుతుంటారు. ఇక్క‌డ నెల‌కొన్న అతిశీత‌ల వాతావ‌ర‌ణ‌మే అందుకు కార‌ణం. అంటార్కిటికాలో-89 డిగ్రీల సెంటిగ్రేడ్ ఉష్ణోగ్ర‌త న‌మోద‌వుతుంది. ఏడాది పొడ‌వునా మ‌నిషి ఈ ఖండంపై మ‌న‌గ‌ల‌గ‌డం క‌ష్ట‌మే. ఈ వాతావ‌రణంలో ఉనికిని చాటుకుంటున్న కొన్ని జీవులూ లేక‌పోలేదు. కొన్ని ర‌కాల జంతువులు,మొక్క‌లు,జీవులూ నెల‌కొని ఉన్నాయి. ఆల్గే,జంతువుల్లో మైట్స్‌, నెమ‌టిడ్స్‌, పెంగ్విన్స్‌, సీల్స్‌, టార్టిగ్రేడ్స్‌, బ్యాక్టీరియా, ఫంగి, ప్లాంట్స్‌, ప్రాట‌స్టీ త‌దిత‌రాలే ఆ జీవులు.

* 1820లో తొలిసారిగా ర‌ష్యా ప‌రిశోధ‌న బృందం ప్రాబియ‌న్ గాటిలెబ్‌వాన్‌, బెల్లింగ్ షాసెన్‌, మైఖెల్ ల‌జ‌రెన్‌లు ఈ ఖండంలో కాలుమోపారు.

* అంటార్కిటికా ట్రీటీపై 1959లో తొలుత 12 దేశాలు సంత‌కాలు చేశాయి. ఇప్పుడు ఆ సంఖ్య 47కు చేరింది. ఈ ఒప్పందం ప్ర‌కారం మిల‌ట‌రీ, మైనింగ్‌, అణుప‌రీక్ష‌లు, విద్యుదుత్పాద‌న నిషిద్ధం.ప్ర‌స్తుతం వివిధ దేశాల‌కు చెందిన నాలుగువేల మంది శాస్త్ర‌వేత్త‌లు ఇక్క‌డ ప‌రిశోధ‌న‌లు సాగిస్తున్నారు.

*1890 నుంచే దీన్ని అంటార్కిటికా ఖండంగా పిలుస్తున్నారు. ఈ గ్రీకు ప‌దానికి ఆపోజిట్ ఆర్కిటిక్ అని అర్థం. 

* 1773 జ‌న‌వ‌రి 17లోనే కెప్టెన్ జేమ్స్ కుక్ నేతృత్వంలోని నౌకా బృందం అంటార్కిటికా స‌ర్కిల్ జ‌లాల్లోకి ప్ర‌వేశించింది.

* నాసా, యూనివ‌ర్సిటీ ఆఫ్ కాలిఫోర్నియాలు మాన‌వుడు ఈ ఖండంపై అడుగిడింది         

1820లోనే అని ధ్రువీక‌రించాయి. 

* ఒంట‌రిగా ఈ ఖండానికి సాహ‌స‌యాత్ర సాగించిన తొలి ఔత్సాహికుడు న్యూజిలాండ్‌కు చెందిన డేవిడ్ హెన్రీ.

* ఈ ఖండం స‌ముద్ర తీర పొడ‌వు 17,968 కిలోమీట‌ర్లు. రోజ్‌సీ, వెడ్లే స‌ముద్ర తీరాల‌కు అంటార్కిటికా అతి స‌మీపాన ఉంది. విన్‌స‌న్ మ‌సిఫి ఈ ఖండంలో అత్యంత ఎత్తైన శిఖ‌రం.

* అంటార్కిటికాలో 70కు పైగా స‌ర‌స్సులున్నాయి. వీటిలోని మంచు ఒక‌దాంట్లో నుంచి మ‌రోదాంట్లోకి ప్ర‌వ‌హిస్తుంటుంది. 

* 170 మిలియ‌న్ ఏళ్ల క్రితం గొండ్వానాలో అంత‌ర్భాగ‌మైన అంటార్కిటికా త‌ర్వాత విడివ‌డి ఇప్ప‌టి మంచుఖండంగా ఏర్ప‌డింది. ఇది జ‌రిగి 25 మిలియ‌న్ సంవ‌త్స‌రాలయి ఉండొచ్చ‌ని శాస్త్ర‌వేత్త‌లు భావిస్తున్నారు.

* అంటార్కిటికాలో చ‌ర్చ్‌లు.. 2004లో ర‌ష్యాకు చెందిన బెల్లింగ్ షెసెన్ స్టేష‌న్ ఆధ్వ‌ర్యంలో ఇక్క‌డ అర్థోడాక్స్‌,ట్రినిటీ చ‌ర్చ్‌లు ప్రారంభ‌మ‌య్యాయి. ఇద్ద‌రు మ‌తాధికారులు కూడా రొటేష‌న్ ప‌ద్ధ‌తిలో ఇక్క‌డ విధులు నిర్వ‌హిస్తున్నారు.

* అంటార్కిటికాలో పుట్టిన తొలి మ‌నిషి అర్జెంటినాకు చెందిన ఎమిలియో మార్కొస్ ప‌ర్మా(1978). ఆ దేశ‌ ప్ర‌భుత్వం ఈ మంచుఖండంలో మాన‌వులు ఏమేర‌కు జీవించ‌గ‌ల‌రో క‌నుగొనే ఉద్దేశంతో ఏడు జంట‌ల్నిఇక్క‌డ‌కు పంపింది. అంటార్కిటికా పరిధిలో బేస్ ఎస్ప‌రంజ్‌లో ఈ తొలి మ‌నిషి ఊపిరి పోసుకున్నాడు.

ప్ర‌మాదం...మ‌నిషి వాడుతున్న అనేకానేక ఆధునిక యంత్రాల వ‌ల్ల వెలువ‌డే ఫ్లోరోక్లోరో కార్బ‌న్‌లు ఓజోన్‌ పొర‌ను దెబ్బ‌తీస్తుండ‌డం తెలిసిందే. ఈ పొర సూర్యుడి నుంచి వెలువ‌డే అతినీల‌లోహిత కిర‌ణాలు నేరుగా భూమిని చేర‌కుండా నిలువ‌రిస్తూ ఉంటాయి. ఆ పొర‌కే రంధ్రం ఏర్ప‌డుతుండ‌డం ప్ర‌మాధ‌భ‌రితంగా ప‌రిణ‌మించింది. 1985లో హేలీ స్టేష‌న్ నుంచి బ్రిటిష్ శాస్త్ర‌వేత్త‌ల బృందం ఇదే విష‌యాన్ని పేర్కొంటూ అంటార్కిటికా ప్రాంతంలో ఓజోన్‌కు ఏర్ప‌డిన రంధ్రం గురించి స‌మాచార‌మిచ్చింది. 2065 నాటికి ఆ రంధ్రం ఏ స్థాయికి చేరుకుంటుందో ఊహిస్తుంటేనే భీతిగ‌ల్గుతోందంది. నాసా శాస్త్ర‌వేత్త‌లు 2006లో వేసిన అంచ‌నా ప్ర‌కారం ఓజోన్ పొర దాదాపు 27.5 మిలియ‌న్ కిలోమీట‌ర్ల ప‌రిధిలో ప‌లుచ‌బ‌డే ప్ర‌మాదం ఉందంది.అదే జ‌రిగితే ఇక్క‌డ వాతావ‌ర‌ణం వేడెక్కి ఈ ఖండపు మొత్తం మంచు క‌రిగి స‌ముద్రాలు ఉప్పొంగితే దేశాల‌కు దేశాలే ప్ర‌పంచ ప‌టం నుంచి అదృశ్య‌మ‌యిపోతాయి. బ్రిటిష్ అంటార్కిటికా స‌ర్వే బృందం 2008జ‌న‌వ‌రిలో పేర్కొన్న ప్ర‌కారం 10 వేల ఏళ్ల క్రితం అంటార్కిటికా చ‌రిత్ర‌లో ఈ ప్రాంత ప‌రిధిలో చోటుచేసుకున్న‌ఓ భారీ అగ్నిపర్వ‌త పేలుడు వ‌ల్ల లావాతో పాటు వెలువ‌డిన బూడిద ఈ ఖండంపైనే ప‌రుచుకుని ఉంది.

____________________________________________________________________________________________________________--------------------------------------------------------------------------------------

eఆంధ్ర‌ప్ర‌దేశ్‌లోని అనంత‌పురం జిల్లా హిందూపురంలో రూప అనే మ‌హిళ ఓ వింత శిశువుకు జ‌న్మ‌నిచ్చింది. నాలుగు కాళ్లు, నాలుగు చేతులు, రెండు శ‌రీరాల‌తో ఉన్న శిశువు పుట్టిన వెంట‌నే మ‌ర‌ణించింది. 

eప్ర‌పంచ జ‌నాభా ఈ అక్టోబ‌ర్ 31కి 700 కోట్ల‌కు చేరుకోనున్న‌ట్లు ఐక్య‌రాజ్య‌స‌మితి జ‌నాభా లెక్క‌ల విభాగం ప్ర‌క‌టించింది. 

100-1911

  

బ్రూస్‌లీ...ఆ మూడక్ష‌రాలు...మూర్తీభ‌వించిన ఓ పోరాట రూపం...మార్ష‌ల్ ఆర్ట్స్‌కు ప‌ర్యాయ‌ప‌దం. అత‌నో ప్ర‌భంజనం...ఆ బ్రూస్‌లీ అకాల మ‌ర‌ణం యావ‌త్ ప్ర‌పంచ యాక్ష‌న్ సినిమా అభిమానుల్ని దుఖఃసాగ‌రంలో ముంచేసింది.ఆ లోటు తీరేదెలా? ఎవ‌రున్నారు? అనుకొనే ద‌శ‌లో నేనున్నానంటూ జాకీచాన్ తెర‌పైకి వ‌చ్చాడు. ఇప్ప‌టికీ త‌న 100వ సినిమాతో హ‌వా కొన‌సాగిస్తున్నాడు. త‌న ఆరాధ్య న‌టుడు బ్రూస్‌లీ బాట‌లోనే స్టంట్‌లు చేసి జ‌నాన్ని ఆశ్చ‌ర్య చ‌కితుల్ని చేస్తున్న జాకీ న‌ట‌న‌లో హాస్యాన్ని జోడించి ఫైట్స్‌కు కొత్త‌ద‌నాన్ని చేకూర్చాడు.

1976లో మొద‌ల‌యిన ఈ 5 అడుగుల 9 అంగుళాల హీరో ప‌రుగు ఇంకా అదే జోరులోనే కొన‌సాగుతోంది.

బ్రూస్‌లీ సినిమాలు ఫ‌స్ట్ ఫ్యూరీ, ఎంట‌ర్ ది డ్రాగ‌న్ సినిమాల‌కు జాకీనే స్టంట్ మాస్ట‌ర్‌. తొలిచిత్రం హ్యాండ్ ఆఫ్ డెత్‌.

100 వ సినిమా 1911.

ఆది నుంచి జాకీది ఒకే ఒర‌వ‌డి అదే ఉర‌వ‌డి.బ్రూస్‌లీవి సీరియ‌స్ సినిమాల‌యితే మార్ష‌ల్ ఆర్ట్స్‌లోనూ

హాస్యాన్ని రంగ‌రించి ఆనంద‌డోలిక‌ల్లో ప్రేక్ష‌కుల్ని తేలియాడించిన గొప్ప న‌టుడు జాకీ. 1954ఏప్రిల్‌7న 

హాంకాంగ్‌లోని చాన్యాన్ లాంగ్‌లో చార్లెస్‌, లీలీచౌ దంప‌తుల‌కు జ‌న్మించాడు ఈ పాయ్‌పాయ్‌. ఇది జాకీ \

ముద్దుపేరు. స్టంట్ మాస్ట‌ర్‌గా 17వ ఏట‌నే కెరీర్‌ను ప్రారంభించి ఇప్ప‌టికే హాలివుడ్ స్థాయి అగ్ర‌న‌టుడిగా సినిమాల‌తో మ‌మేక‌మై కొన‌సాగుతున్నాడు. తైవాన్ న‌టి లిన్‌ఫెన్‌జోను పెళ్లాడిన జాకీకి ఒకే ఒక్క కొడుకు.అత‌ను జ‌య్‌సే చాన్‌, ఫేమ‌స్ సింగ‌ర్‌.జాకీ ఏమ‌యినా త‌క్కువ తిన్న‌డా?  మ‌న‌వాడిలోను ఎన్నో కోణాలున్నాయి. యాక్టర్‌, ఆర్టిస్ట్, డైరెక్ట‌ర్‌, ప్రొడ్యూస‌ర్, స్క్రీన్ రైట‌ర్‌, యాక్ష‌న్ కొరియోగ్రాఫ‌ర్‌, సింగ‌ర్‌, స్టంట్ డైరెక్ట‌ర్‌, స్టంట్ ఫెర్మార‌ర్‌గా అన్నింటా జాకీ స‌క్సెస్సే. అంతేకాదు లాంబ్‌బీహుడ్‌లో యాంటీ హీరోగాను న‌టించాడు. జాకీ న‌టించిన అద్భుత చిత్రాలెన్నో. వాటిల్లో న‌టిస్తుండ‌గా అత‌ను ఎన్నోసార్లు మృత్యుద‌రికి వెళ్లివ‌చ్చాడు.ఎముక‌ల‌న్నీ నుజ్జునుజ్జ‌యిపోయి నెల‌ల త‌ర‌బ‌డి మంచానికే ప‌రిమిత‌మ‌య్యాడు. మ‌ళ్లీ ప‌డిలేచిన కెర‌టంగా పైకి ఎగిశాడు. జీవించి ఉన్న గొప్ప మార్ష‌ల్ ఆర్ట్స్ న‌టుడిగా గిన్నీస్ బుక్‌లో పేరు న‌మోదు చేయించుకోగ‌లిగాడు.

జాకీ టాప్ - 20

. ప్రొజెక్టు--ఎ . మిరాకిల్స్ . పోలీస్‌స్టోరీ . ప్రొజెక్టు-ఎ2 . డ్రాగ‌న్స్ ఫ‌రెవ‌ర్ . మిస్సైల్ నైస్‌గై . పోలీస్‌స్టోరీ-2

. హూ యామ్ ఐ . ది లెజెండ్ ఆఫ్ డ్రంక‌న్ మాస్ట‌ర్ . ది యాక్సిడెంట‌ల్ స్పై . క్రైం స్టోరీ . పోలీస్‌స్టోరీ

. స్నేక్ ఇన్ ఈగ‌ల్స్ షాడో . మై ల‌క్కీ స్టార్స్ . ఆర్మ‌ర్ ఆఫ్ గాడ్ . ఆర్మ‌ర్ ఆఫ్ గాడ్‌-2 (ఆప‌రేష‌న్ కండోర్‌)

. పోలీస్‌స్టోరీ-4 . హార్ట్ ఆఫ్ డ్రాగ‌న్ . ది రంబుల్ ఇన్ ది బ్రాంక్స్ . న్యూ పోలీస్‌స్టోరీ (దిమైత్‌)

1996లో రంబుల్ ఇన్ ది బ్రాంక్స్ అయితే క‌లెక్ష‌న్ల గ్రాస్ 11 మిలియ‌న్ డాల‌ర్ల‌ను వ‌సూలు చేసి రికార్డు నెల‌కొల్పింది. జాకీచాన్ గురించి ఇంతే చెబితే చాలా త‌క్కువే. మంచి మ‌న‌స్సున్న మ‌హారాజు జాకీ. ఇటీవ‌ల‌ బీజింగ్‌లో త‌న కుమారుడి అవార్డు ప్ర‌దానోత్స‌వ కార్య‌క్ర‌మం సంద‌ర్భంగా మాట్లాడుతూ జాకీ త‌న ఆస్తి నుంచి ఒక్క సెంట్ కూడా త‌న కొడుకు జ‌య్‌సేకు చెంద‌ద‌ని తేల్చి చెప్పాడు. అత‌డు స‌మ‌ర్థుడ‌యితే త‌నంత‌ట‌ త‌నే సంపాదించుకుంటాడ‌ని పేర్కొన్నాడు. త‌న సంపాద‌నంతా త‌న త‌ర్వాత ఛారిటీకే చెందుతుంద‌ని 

చెప్పిన గొప్ప యోధుడు. ఇటీవ‌ల తాను చ‌నిపోయిన‌ట్లు కొన్ని టాబ్లాయిడ్‌లు సృష్టించిన అనేక క‌థ‌నాల్ని ఆయ‌న హాస్య‌స్ఫూర‌కంగానే కొట్టి పారేశాడు. 1986 నుంచి చెప్పుకోద‌గ్గ సాయాల‌ను త‌న‌తోటి జ‌నానికి అందిస్తున్న ధ‌న్య‌జీవి జాకీచాన్‌.

_____________________________________________________________________

-. టి.వి-9కు వ‌ర‌ద బాధితులు కృత‌జ్ఞ‌త‌లు తెలిపారు. క‌ర్నూల్‌లో ప్ర‌జాన‌గ‌ర్ పేరిట 750 ఇళ్ల స‌ముదాయాల్నినిర్మించి ఇవ్వ‌డంతో దీపావ‌ళి ప‌ర్వ‌దినాన్న వారంతా గృహ ప్ర‌వేశాలు చేసి మీడియా వ‌ద్ద త‌మ ఆనందాన్నివ్య‌క్తం చేశారు. మ‌రో 500 ఇళ్ల నిర్మాణం పూర్తి కావాల్సి ఉంద‌ని దాత‌లిచ్చిన విరాళాల స‌హాయంతోనే తాము

ఈ ఇళ్ల‌ను నిర్మించగ‌లిగిన‌ట్లు ఆ సంస్థ ప్ర‌క‌టించింది.

--. వ‌న్డే ర్యాంకింగ్స్‌లో భార‌త క్రికెట్ జ‌ట్టు కెప్టెన్ ధోని మూడో ర్యాంక్‌కు ఎగ‌బాకాడు.

-----------------------------------------------------------------------------------------------------------------------------------------------------------------------........................................................................................................................................................................................................................................................................................

. ద‌ర్శ‌క‌ర‌త్న దాస‌రి నారాయ‌ణ‌రావు స‌తీమ‌ణి ప‌ద్మ‌(61) అనారోగ్యంతో హైద‌రాబాద్‌లోని య‌శోద హాస్పిట‌ల్‌లో

చికిత్స పొందుతూ మ‌ర‌ణించారు.

records

 ఈ న‌లుగురు..గిన్నీస్ బుక్‌కెక్కారు. ఎవ‌రీ న‌లుగురు? ఏమా క‌థ‌! తెలుగు ప‌రిశ్ర‌మ‌కు చెందిన ఉద్ధండులైన‌ లేడీ లెజెండ్ `విజ‌య‌`నిర్మ‌ల, ద‌ర్శ‌కర‌త్న దాస‌రినారాయ‌ణ‌రావు, మూవీ మొగ‌ల్ రామానాయ‌డు, `హ‌స్య‌`బ్ర‌హ్మానందం. ఇంత‌కీ వీరంతా ఏంచేశారు..అంటే న‌మ్ముకున్న ప‌రిశ్ర‌మలో జ‌స్ట్ ప‌రిశ్ర‌మించారంతే. కీర్తి ప్ర‌తిష్ట‌లు వారి వెంట క్యూ క‌ట్టాయి. రికార్డులు వాటంత‌ట‌వే ఒళ్లో వాలాయి. అవి వారికి ఓవ‌ర్‌నైట్ విక్ట‌రీలు మాత్రం కావు. 20 ఏళ్ల‌కు పైబ‌డిన వారి త‌ప‌స్సు ఫ‌లితాల‌వి.

విజ‌య‌నిర్మ‌ల‌: అస‌లు పేరు నిర్మ‌ల‌. ప‌రిశ్ర‌మ‌లో ముద్దు పేరు ప‌ని రాక్ష‌సి. అప్ప‌టికే నిర్మ‌ల పేరిట మ‌రో న‌టి ఉండ‌డంతో త‌మ సంస్థ పేరునే విజ‌యా వారు ఆమె ముందు జ‌త చేశారు. దాన్నే ఆమె త‌న‌ మైలురాయిగా మ‌లుచుకొని పైకెదిగారు. అత్య‌ధిక చిత్రాల‌కు ద‌ర్శ‌క‌త్వం వ‌హించిన మ‌హిళ‌గా విజ‌య‌నిర్మ‌ల‌ గిన్నీస్ రికార్డును న‌మోదు చేసుకోగ‌లిగారు. తెలుగుతోపాటు త‌మిళ‌, మ‌ల‌యాళం సినిమాల్లో ఆమె 250చిత్రాల్లో న‌టించారు. తొలిచిత్రం `ఎంగ‌వెట్టు పెన్నె`(త‌మిళం), తెలుగులో బిఎన్‌రెడ్డి రంగుల రాట్నంతో అరంగేట్రం చేశారు. 
దాస‌రినారాయ‌ణ‌రావు: తెలుగు ప‌రిశ్ర‌మ‌లో ఏ స‌మ‌స్య వ‌చ్చినా నేనున్నాన‌ని బ‌రిలోకి దిగే పెద్ద‌దిక్కు. నూనుగు మీసాల నూత్న‌య‌వ్వ‌నంలోనే (16వ ఏట‌) నాట‌క‌రంగంలో ప్ర‌వేశం. ప్ర‌జ్ఞ‌ను క‌న‌బ‌ర్చిన మేస్త్రీ. 50కు పైగా నాట‌కాల రూప‌శిల్పి. ద‌ర్శ‌కుడిగా తాతామ‌న‌వ‌డు తొలిచిత్రం. ఇప్ప‌టికి 150(ప‌ర‌మ‌వీర‌చ‌క్ర‌-.. బాల‌కృష్ణ హీరో) చిత్రాల‌కు ద‌ర్శ‌క‌త్వం వహించారు. గిన్నీస్ రికార్డు ఆయ‌న వ‌ద్ద‌కు ప‌రిగెత్తుకు వ‌చ్చింది. తెలుగు,త‌మిళ‌,క‌న్న‌డ‌,హిందీ చిత్రాల‌కు కెప్టెన్ పాత్ర పోషించారు. 60 చిత్రాల్లో న‌టించారు. మామ‌గారు చిత్రంలో న‌ట‌న‌కు గాను ఉత్త‌మ న‌టుడిగా నంది అవార్డును అందుకొన్నారు. 200 మందికి పైగానే ఆయ‌న ద్వారా తెలుగు సినీ ప‌రిశ్ర‌మ‌కు ప‌రిచ‌య‌మ‌య్యారు. దాస‌రి శిష్యుల్లో ప‌లువురు ఆయా విభాగాల్లో పేరు గ‌డించారు. కోడి రామ‌కృష్ణ కూడా ద‌ర్శ‌కుడిగా 100 చిత్రాల ముంగిట ఉన్నారు. ద‌టీజ్ ద‌ర్శ‌క‌ర‌త్న దాస‌రి. 
రామానాయుడు: టాలివుడ్‌లో మూవీ మొగ‌ల్‌గా ఈయ‌న ప్ర‌తీతి. స్టార్ ప్రొడ్యూస‌ర్‌గా వినుతికెక్కారు. తెలుగుతో మొద‌లుపెట్టి లెక్క త‌క్కువ‌కాకుండా 100కు పైగా సినిమాలు నిర్మించి గిన్నీస్‌బుక్‌లో స్థానం కైవ‌సం చేసుకున్నారు. తెలుగు ప‌రిశ్ర‌మ చెన్నై నుంచి హైద‌రాబాద్‌కు త‌ర‌లడంలో ప్ర‌ముఖ భూమిక‌ను పోషించిన వారిలో రామానాయుడు కూడా ఒక‌రు. హైద‌రాబాద్‌, విశాఖ‌ప‌ట్నంల‌లో త‌న పేరిట‌నే సినీ స్టూడియోల‌ను సైతం నెల‌కొల్పిన దార్శ‌నిక నిర్మాత‌. త‌న పేరునే పెట్టుకున్న మ‌న‌వ‌డు రా.నా ప్ర‌స్తుతం టాలివుడ్‌లో యంగ్‌హీరో కాగా విక్ట‌రీనే త‌న పేరు ముందు నిలుపుకొని స‌క్సెస్‌ఫుల్ హీరోగా పేరు తెచ్చుకున్న‌త‌న‌యుడు వెంక‌టేష్ ఇప్ప‌టికీ తెలుగులో బిజీ హీరో.
బ్ర‌హ్మానందం: సురేష్ ప్రొడ‌క్ష‌న్ బేన‌ర్‌లో రామానాయుడే నిర్మించిన `ఆహా నా పెళ్లంట `(రాజేంద్ర‌ప్ర‌సాద్ హీరో) చిత్రం ద్వారా తెరంగేట్రం చేసిన ఈ హాస్య బ్ర‌హ్మ‌`ఆనందం` ఇప్ప‌టికీ న‌వ్వుల్ని విర‌బూయిస్తూనే ఉన్నారు. లెక్చ‌ర‌ర్‌గా ఉన్న ఆయ‌న సినిమాల్లో చేర‌డం ద్వారా ల‌క్ష‌ల మందికి కామెడీ టానిక్‌గా మారారు. ఒకే భాష‌ (తెలుగు)లో 754 చిత్రాల్లో కామెడీ (హీరోగా బాబాయ్ హోట‌ల్‌)ని పండించిన గిన్నీస్ రికార్డును త‌న వాకిట్లోకి తెచ్చుకున్నారు. జ‌ఫా అనే చిత్రం ఆయ‌న ద‌ర్శ‌క‌త్వంలో రానున్న‌ట్లు బోగ‌ట్టా.
__________________________________________________________
వ‌రుస‌లో విశాల్‌ 

త‌మిళ‌, తెలుగు హీరో విశాల్ ఇప్పుడు వీరి బాట‌లో ఉన్నారా! అదేలా? ఏమో ద‌ర్శ‌కుడు బాల అలా చెవబుతున్నారు.

అవ‌న్ ఇవ‌న్ అనే త‌మిళ చిత్రంలో విశాల్ మృగ‌జగా న‌టిస్తున్నాడు. ఆ చిత్రం రిలీజ్ అయిన మొద‌టిరోజునే విశాల్ గిన్నీస్ రికార్డును ఎలా ఎక్క‌బోతున్నాడ‌న్న‌ది తెలుస్తుంద‌ని ఆయ‌న ఊరిస్తున్నారు. ఆరోజే రికార్డు కోసం ద‌ర‌ఖాస్తు చేస్తామ‌ని బాల ముక్తాయించారు.

ccccccccccccccccccccccccccccccccccccccccccccccccccccccccccccccccccccccccccccccccccccccccccccccc

e  తాజా వ‌న్డే సీరీస్‌లో విజ‌యంతో భార‌త క్రికెట్ జ‌ట్టు ర్యాకింగ్స్‌లో మూడో స్థానానికి ఎగ‌బాక‌గా ఇంగ్లండ్‌ అయిదో స్థానానికి ప‌డిపోయింది. స్వ‌దేశంలో జ‌రిగిన 5 వ‌న్డేల్లోను జ‌ట్టు గెలుపొంద‌గా మ్యాన్ ఆఫ్ ది సీరీస్‌ను కెప్టెన్ ధోని కైవ‌సం చేసుకున్నాడు. 

e లిబియాలోని సిరేలో ఓ ఆయిల్ ట్యాంక‌ర్ పేలుడు దుర్ఘ‌ట‌న‌లో 100 మంది మృత్యుపాల‌య్యారు.

e క‌ల‌లోన‌యినా క‌ల‌గ‌న‌లేదు..! అక్ష‌రాల అయిదుకోట్ల  రూపాయ‌ల న‌జ‌రానా..బీహార్‌లోని కంప్యూట‌ర్‌ ఆప‌రేట‌ర్ సుశీల్‌కుమార్ `అమితాబ్ కౌన్‌బ‌నేగా క‌రోడ్‌ప‌తి` విజేత‌గా ఆవిర్భ‌వించాడు. ఈ పోటీలో గెలిచి ఇంత పెద్ద మొత్తాన్ని పొందుతాన‌ని తానెప్పుడూ ఊహించలేదంటున్నాడీ యువ‌కుడు.

festival of lights

 

దీపావ‌ళి అనే సంస్కృత ప‌దం అర్థం దీపాల వ‌రుస‌. హిందువులే కాదు సిక్కులు, జైనులు, బౌద్ధులు చేసుకొనే సంతోష సంబ‌రం. అస‌లు మ‌తాల‌కే అతీతంగా ప్ర‌పంచ వ్యాప్తంగా భార‌తీయులు ఘ‌నంగా జ‌రుపుకునే వేడుక‌. ఈ దీపావ‌ళికి వ‌యోభేదం కూడా లేద‌న‌వ‌చ్చు. కుటుంబం మొత్తం బాణ‌సంచాను కాలుస్తూ కేరింత‌లు కొట్ట‌డం క‌ద్దు. భార‌త్ స‌హా అమెరికా, బ్రిట‌న్‌, ఆస్ట్రేలియా, ఆఫ్రికా, గుయానా, ఫిజి. మ‌లేసియా, నేపాల్‌, మారిష‌స్‌, మ‌య‌న్మార్‌, సింగపూర్‌, శ్రీ‌లంక‌, ట్రినిడాడ్ అండ్ టొబాగో, ఇండోనేసియా,జ‌పాన్‌, థాయిలాండ్‌ల్లో ధూం..ఢాం..ఢాం..గా జ‌నం జ‌రుపుకుంటుండ‌డం విశేషం. 

చెడుపై మంచి సాధించిన విజ‌యంగా జ‌రుపుకునే ఈ దీపావ‌ళిని ఆయా ప్రాంతాల్లో వివిధ సంద‌ర్భాల‌కు ప్ర‌తీక‌గా జ‌రుపుకుంటారు. రావ‌ణ సంహారం అనంత‌రం రాముడు అయోధ్య‌కు సీత‌,ల‌క్ష్మ‌ణ స‌మేతంగా తిరిగి రావ‌డం, శ‌క్తిని ఇచ్చిన కాళికాదేవి విజ‌యానికి ప్ర‌తిబింబంగాను, గ‌జాముఖ రూప దేవుడు వినాయ‌కుడు కొలువైన వేళ, శ్రీ‌కృష్ణుడు త‌న స‌తి స‌త్య‌భామ‌తో క‌లిసి న‌ర‌కాసురుణ్ని వ‌ధించిన సంద‌ర్భంగా మ‌రికొంద‌రు దీపావ‌ళిని బాణ‌సంచా కాల్పుల‌తో అంగ‌రంగ వైభ‌వంగా చేసుకుంటారు. ప్ర‌గ్జోతిష్‌పూర్ (ప్ర‌స్తుత అస్సాం) పాల‌కుడు న‌ర‌కాసురుడి ఆగ‌డాల‌కు చ‌ర‌మ‌గీతం పాడేందుకు ద్వార‌కాదీసుడైన‌ శ్రీ‌కృష్ణుడు స‌న్న‌ద్ధ‌మౌతాడు. మూడో భార్య అయిన స‌త్య‌భామ స‌మేతంగా త‌న గ‌రుడ వాహ‌నంపై శ్రీ‌కృష్ణుడు యుద్ధానికి వెళ్తాడు. అయితే బ్ర‌హ్మ‌దేవుని వ‌రాన్ని న‌ర‌కాసురుడు అదివ‌ర‌కే పొంది ఉంటాడు.
కేవ‌లం త‌న త‌ల్లి భూమిదేవి చేతిలోనే మ‌ర‌ణం పొంద‌డ‌మ‌న్న‌ది ఆ విశేష‌వ‌రం. న‌ర‌కాసురుడి త‌ల్లి భూమిదేవే ద్వాప‌ర‌యుగంలో స‌త్య‌భామ‌ని పురాణాలు చెబుతున్నాయి. దాంతో స‌త్య‌భామ శ‌రాఘాతంతోనే జ‌నానికి న‌ర‌కాసురుడి పీడ విర‌గ‌డ‌య్యింది.

వెలుగుల వేడుక‌

దీపావ‌ళి నాడు ఇళ్ల‌న్నీ ప్ర‌మిద‌ల వెలుగుల‌తో విరాజిల్లుతాయి. బాణ‌సంచా మోత‌ల‌తో ద‌ద్ధ‌రిల్లుతాయి.ర‌క‌ర‌కాల పిండి వంట‌ల‌తో వీధుల‌న్నీ గుభాళిస్తాయి. ల‌క్ష్మీదేవి పూజ‌ల‌తో మ‌హిళా లోకం సంద‌డిగా గ‌డుపుతుంది. పిల్లాపెద్ద‌లంద‌రికీ ప్రీతిపాత్ర‌మైన పండ‌గ‌. భార‌త రాష్ట్ర‌ప‌తి ప్ర‌తిభా దేవీసింగ్ పాటిల్ యావ‌త్ జాతికి దీపావ‌ళి శుభాకాంక్ష‌లు తెలిపారు.
-------------------------------------------------------------------------------------------
ccccccccccccccccccccccccccccccccccccccccccccccccccccccccccccccccccccccccccccccccccccccccccccccccccccccccccccccccc

e  భార‌త క్రికెట్ జ‌ట్టు స్వ‌దేశంలో ఇంగ్లాండ్‌తో జ‌రిగిన వ‌న్డే సీరీస్‌ను 5-0 తేడాతో క్లీన్‌స్వీప్ చేసి ఆ జ‌ట్టుపై ఇటీవ‌ల ఎదురైన ప‌రాభ‌వానికి ప్ర‌తీకారం తీర్చుకుంది. 

e వికీలీక్స్ ప‌బ్లికేష‌న్స్‌కు విరామాన్ని ఇస్తున్న‌ట్లు సంస్థ వ్య‌వ‌స్థాప‌కుడు అసాంజె ప్ర‌క‌టించారు. అమెరికా ఆర్థిక సంస్థ‌లు సృష్టిస్తున్న అడ్డంకులే అందుకు కార‌ణంగా ఆయ‌న పేర్కొన్నారు.

e 53వ కామ‌న్‌వెల్త్ పార్ల‌మెంట‌రీ అసోసియేష‌న్ (సిపిఏ) స‌మావేశాన్ని న్యూఢిల్లీలో భార‌త అధ్య‌క్షులు ప్ర‌తిభా పాటిల్ ప్రారంభించారు. ఈ స‌మావేశాలు ఈ నెల 28 వ‌ర‌కు జ‌రుగుతాయి.

e మేరీలాండ్ సిస్ట‌ర్ స్టేట్‌గా ఆంధ్ర‌ప్ర‌దేశ్ ఎంపిక‌యింది. దాంతో ప్ర‌వాసాంధ్రుల‌కు ఉద్యోగావ‌కాశాలు బాగా మెరుగవుతాయి.

legend lenin

http://royalloyal007.blogspot.in/2011/12/babaji.html
క‌మ్యూనిస్టు యోధుడు వ్లాదిమిర్ లెనిన్‌. సామాజిక న్యాయం, సమానత్వం కోసం రాజ‌కీయ ఉద్య‌మాన్నియావ‌త్ సోవియ‌ట్ జాతికి అందించిన ధీశాలి. 1870 ఏప్రిల్ 22న పుట్టిన లెనిన్ 53 ఏళ్ల‌కే 1924 జ‌న‌వ‌రి 21న‌ మృత్యుఒడికి చేరారు. ఆయ‌న‌కు నివాళ‌ల‌ర్పిస్తూ అప్ప‌టి చైనా ప్ర‌ధాని స్యునాయ‌త్సెన్sc "లెనిన్‌..నువ్వు భౌతికంగా దూర‌మ‌య్యావు..నీ మాట‌లు మాత్రం అంద‌రిలో స‌దా స‌జీవం. ఓ కొత్త దేశానికి సృష్టిక‌ర్త‌వు, అంద‌రూ ఎదుర్కొంటున్న స‌మ‌స్య‌ల కూడ‌లిని చూపిన దార్శ‌నికుడ‌వు. శ‌తాబ్దాలుగా అణ‌గారిన వ‌ర్గాల స్మృతిప‌థంలో చెర‌గ‌ని ముద్ర నీది. యూ గ్రేట్ మ్యాన్" అంటూ చేసిన వ్యాఖ్య‌లే అందుకు నిలువుట‌ద్దం. నాడు లెనిన్‌ భౌతిక‌కాయాన్ని మాస్కోలోని ఆయ‌న సొంత ఎస్టేట్ గోర్కి సెటిల్‌మెంట్‌(ప్ర‌స్తుత గోర్కి లెనిస్కీ)లో 9 ల‌క్ష‌ల‌ మంది ద‌ర్శించుకోవ‌డ‌మే లెనిన్ గొప్ప‌ద‌నానికి తార్కాణం. ఆయ‌న త‌ర్వాత అధికారానికి వ‌చ్చిన స్టాలిన్‌ అందుకే ఆ మ‌హ‌నీయుని కోరిక‌ను తోసిరాజ‌న్నారు. లెనిన్ పార్థివ దేహ ఖ‌న‌నాన్ని నిరాక‌రించి ఎప్ప‌టికీ

ఆ లెజెండ్ భౌతిక‌రూపాన్ని జ‌నం సంద‌ర్శించుకునేలా ఏర్పాట్లు చేశారు. పెట్రోగాడ్ పేరును ఆ ధీరుడు మ‌ర‌ణించిన మూడో రోజుకే లెనిన్ గ్రాడ్‌గా మార్చారు. లెనిన్‌తో సిద్ధాంత వైరుధ్యాలున్నా స్టాలిన్ ఆ రివ‌ల్యూష‌న‌రీ క‌మ్యూనిస్టుకు ఆ విధంగా గౌర‌వాన్నిచ్చారు. ర‌సాయ‌న లేప‌నాల‌తో లెనిన్ దేహం మాస్కోలోని lenin mausoleum.లో జ‌న సంద‌ర్శ‌న శాశ్వ‌త కేంద్రంగా భాసిల్లుతోంది. నిజానికి లెనిన్ పీట‌ర్‌బ‌ర్గ్‌లో గ‌ల‌ త‌న త‌ల్లి స‌మాధి ప‌క్క‌నే త‌నను ఖ‌న‌నం చేయాల‌ని కోరారు. రక్త‌ర‌హిత విప్ల‌వంగా ప్ర‌పంచ చ‌రిత్ర‌లోనే సువ‌ర్ణాక్ష‌రాల‌తో లిఖించ‌ద‌గిన అక్టోబ‌ర్‌(బోల్ష‌విక్‌) విప్ల‌వం సార‌థి. సోవియ‌ట్ యూనియ‌న్ ర‌థ‌సార‌థిగా త‌న ప‌ద‌వీకాలంలో రోజూ 16 గంట‌ల‌పాటు నిర్విరామంగా ప‌నిచేశారు. 1918లోనే ఆయ‌న‌పై హ‌త్యాయ‌త్నం జ‌రిగింది. ఆయ‌న చ‌నిపోయే ముందు సంవ‌త్స‌రం వ‌ర‌కు ఓ బుల్లెట్‌ ఆయ‌న శ‌రీరంలోనే ఇరుక్కుని ఉంది. 
లెనిన్ లాయ‌ర్‌. గొప్ప వ‌క్త‌. మార్క్సిజం, లెనినిజం సిద్ధాంత క‌ర్త‌గా పేరుమోసిన ఆయ‌న రివ‌ల్యూష‌న‌రీ
క‌మ్యూనిస్టుగా రూపాంత‌రం చెంద‌డానికి జార్జి ప్లెక‌నోవ్ ప్ర‌భావ‌మూ ఉంది. 1916లో లెనిన్ ర‌చించిన‌ ఇంపీరియిజం ది హ‌య్య‌స్ట్ స్టేజ్ ఆఫ్ కేప్ట‌లిజం ప్ర‌సిద్ధి చెందింది. సోవియ‌ట్ జాతికే పూర్తి అధికారం చేజిక్క‌డ‌మ‌న్న‌ది శాంతియుత యుద్ధం ద్వారానే సాధ్య‌మూ, అనివార్య‌మ‌ని లెనిన్ దృఢంగా విశ్వ‌సించారు. లెనిన్ మ‌ర‌ణం స‌హ‌జ‌మైన‌ది కాక‌పోవ‌చ్చ‌ని విష‌ప్ర‌యోగం జ‌రిగి ఉండొచ్చ‌ని భావించే వారిలో స్టాలిన్ కూడా ఒక‌రు. అయితే ఆయ‌న న్యూరో సిఫలిస్ వ‌ల్లే చ‌నిపోయాడ‌ని అప్ప‌ట్లో శ‌వ ప‌రీక్ష నిర్వ‌హించిన వైద్య‌శాస్త్ర‌వేత్త ఇవాన్ పాలొవ్‌ అంచ‌నాకు వ‌చ్చారు. 2004లో ఇదే విష‌యాన్ని ఉటంకిస్తూ యూరోపియ‌న్ జ‌ర్న‌ల్ ఆఫ్ న్యూరాల‌జీకి చెందిన ప‌బ్లికేష‌న్‌లో శాస్త్ర‌వేత్త వి.లెర్న‌ర్ పేర్కొన్నారు. భ‌విష్య‌త్‌లో అందుబాటులోకి వ‌చ్చే అడ్వాన్స్‌డ్‌ డి.ఎన్‌.ఏ టెక్నాల‌జీ ద్వారా ఇప్ప‌టికీ భ‌ద్రంగానే ఉన్న లెనిన్ మెద‌డు ప‌రీక్ష‌ల‌తో ఆయ‌న మ‌ర‌ణానికి కార‌ణం న్యూరో సిఫ‌లిసిస్సే కార‌ణ‌మా కాదా అన్న‌ది వెలుగులోకి రాగ‌ల‌ద‌ని లెర్న‌ర్ అభిప్రాయ‌ప‌డ్డారు.
goodbye lenin.ru
2011 జ‌న‌వ‌రి 11న యునైటెడ్ ర‌ష్యా పార్టీ goodbye lenin.ru. పేరిట వెబ్‌సైట్‌ను ప్రారంభించి లెనిన్ దేహం ఖ‌ననానికి జ‌నాభిప్రాయ ఓటింగ్‌ను కోరుతోంది. ది గ్రేటెస్ట్ జీనియ‌స్ ఆఫ్ మ్యాన్‌కైండ్‌..ది లీడ‌ర్ అండ్ ది టీచ‌ర్ ఆఫ్ ది పీపుల్స్ ఆఫ్ ది హోల్ వ‌ర‌ల్డ్‌.
______________________________________________________________________

e ఓటుకు నోటు కేసులో అమ‌ర్‌సింగ్‌కు కోర్టు ష‌ర‌తుల‌తో కూడిన బెయిల్ ఇచ్చింది.
e లూసియానా గ‌వ‌ర్న‌ర్‌గా ఎన్ఆర్ఐ బాబి జిందాల్ రెండోసారీ అత్య‌ధిక ఓట్ల‌తో గెలిచారు.

e ఏపీలోని విశాఖ‌ప‌ట్నంలో చిరుత ఇంకా హ‌డ‌లెత్తిస్తోంది.

winner

 e హిందూ దేవాల‌యాల్లో భ‌క్తులు త‌మ కోరిక‌ల్ని తీర్చాల‌ని దేవుణ్ని ప్రార్థిస్తూ కొబ్బ‌రికాయ‌ల్ని కొట్ట‌డం రివాజు. ఆంధ్ర‌ప్ర‌దేశ్‌లోని తూర్పూగోదావ‌రి జిల్లాలోని పిఠాపురంలోని ఓ గుడి మాత్రం ఇందుకు భిన్నం. ఇక్క‌డ భ‌క్తులు కొబ్బ‌రికాయ‌ల్ని ఆల‌య ప్రాంగ‌ణంలోని చెట్టుకు క‌ట్ట‌డం విశేషం. ద‌త్తాత్రేయుని తొలి అవ‌తారంగా ప్ర‌తీతి చెందిన 

శ్రీ బాల వ‌ల్ల‌భుని దేవాల‌యం ఈ విశేషానికి వేదిక‌గా భ‌క్తుల్ని అల‌రిస్తోంది.

e ఆశా..గిన్నీస్ రికార్డు..ల‌తా మంగేష్క‌ర్ సోద‌రి ప్ర‌ఖ్యాత గాయ‌ని ఆశాబోస్లే సోలోగా 11 వేల పాట‌ల‌ను వివిధ భాష‌ల్లో ఆల‌పించి గిన్నీస్ బుక్ రికార్డులకెక్కారు.

e  ఏపీ ఐటీ శాఖ మంత్రి పొన్నాల ల‌క్ష్మ‌య్య అరుదైన గౌర‌వాన్ని అందుకున్నారు. త‌ను పోస్ట్ గ్రాడ్యుయేష‌న్‌ చేసిన ఒక్లాహామా యూనివ‌ర్సిటీ ఆల్ ఆఫ్ ఫేమ్‌లో చోటు ద‌క్కించుకున్నారు. ఈ ఘ‌న‌త‌ను అందుకొన్న‌రెండో భార‌తీయుడయ్యారు.

ccccccccccccccccccccccccccccccccccccccccccccccccccccccccccccccc

e ఆస్ట్రేలియా జాతీయ జంతువు - కంగారూ.

శ్రీ‌లంక నేష‌న‌ల్ యానిమ‌ల్ - సింహం.

కంగార్లు త‌మ పిల్ల‌ల్ని త‌మ శ‌రీరంలోనే స్వ‌త‌హాగా అమ‌రిన సంచి వంటి భాగంలోనే ఉంచుకొని అవి న‌డిచే వ‌ర‌కు సాకుతాయి.

ccccccccccccccccccccccccccccccccccccccccccccccccccccccccccccccc

స‌క్సెస్ స్టార్స్ @  శ్రీ‌ను వైట్ల‌

  కృషి ఉంటే మ‌నుషులు రుషులౌతార‌న్నారు సినీ క‌వి వేటూరి. దాన్ని అక్ష‌ర‌స‌త్య‌మ‌ని నిరూపించిన‌ వారెంద‌రో. ఆ కోవ లోని వారే టాలివుడ్ యువ ద‌ర్శ‌కుడు శ్రీ‌ను వైట్ల‌. సినిమా పిచ్చితో ఇంట‌ర్ విద్య‌తోనే స‌రిపుచ్చి చెన్నై రైలెక్కిన ఈ యంగ్ చాలెంజ‌ర్ ద‌ర్శ‌కుడు 1991లో త‌న ప‌నిని ప్రారంభించి స్టార్ హీరోలంద‌రి మ‌న్న‌న‌ల‌కు పాత్రుడ‌య్యారు. ప్రేక్ష‌కుల అభిమానాన్ని గెల్చుకున్నారు. సాధార‌ణ వ్య‌వ‌సాయ కుటుంబం నుంచి వ‌చ్చి సినీ ప‌రిశ్ర‌మ‌లో త‌న‌దైన స్థానాన్ని సాధించుకోగ‌లిగారు. భార్య రూప‌, పిల్ల‌లు ఆనంది,అద్య‌,అహ‌న ఈయ‌న‌ కుటుంబం. 

శ్రీ‌ను వైట్ల చిత్ర‌రాజాలివే

నీ కోసం, ఆనందం, సొంతం, వెంకీ, అంద‌రివాడు, ఢీ, 

దుబాయ్ శ్రీ‌ను, రెఢీ, కింగ్‌, న‌మో వెంక‌టేశ‌, దూకుడు

-------------------------------------------------------------------------------------------------------------

e ^ ట‌ర్కీలో సుమారు 1000 మంది దుర్మ‌ర‌ణం పాల‌యిన‌ట్లు ప్రాథ‌మిక వార్త‌ల క‌థ‌నం. పెను భూకంపం

రాజ‌ధాని అంకారాకు 1200 కిలోమీట‌ర్ల ప‌రిధిలో ఈ భూకంప కేంద్రం ఉన్న‌ట్లు అధికార వ‌ర్గాలు పేర్కొన్నాయి.

ట‌ర్కీలో ఇదే అతిపెద్ద భూకంపమ‌ని ఆ వ‌ర్గాలు తెలిపాయి.

mystery

అట్లాంటిక్ స‌ముద్రం..బెర్ముడా, మియామి, సాన్‌జాన్‌, ఫ్లోరిడా, పొర్టోరికా..ఈ తీరం మ‌ధ్య‌న బెర్ముడా ట్ర‌యాంగిల్‌.

దిన‌దినాభివృద్ధి చెందుతున్న సైన్స్‌ను ప్ర‌శ్నిస్తున్న వింత ప్ర‌కృతే ఈ ప్రాంతం..మాన‌వ‌మేధ‌కు స‌వాలు విసురుతున్న వైనం..నేనేంటో క‌నుక్కోండి చూద్దామంటూ శాస్త్ర‌వేత్త‌ల ఎదుట తిష్ట వేసుక్కూర్చున్న‌ ర‌హ‌స్యం. క‌దిలే న‌గ‌రాల్నే త‌లపించే నౌక‌లు, విమానాలు ఏవైనా ఈ మార్గంలోకి ప్రవేశించాయో అంతే సంగ‌తులు..మాయం..రాడ‌ర్ల‌కు అంతుచిక్క‌ని లోగుట్టు. స్కోపుల‌కూ ఆన‌వాళ్లు కూడా దొర‌క‌ని మ‌ర్మం.

అదృశ్య ర‌హ‌స్యం

గ్రుమ‌న్ కుగ‌ట్ జెట్‌..పైలెట్ జాన్ వెర్డి, కో- పైల‌ట్ పాల్ లుకారిస్ 25,300 అడుగుల ఎత్తున ఆకాశం నుంచి ఆల్‌వెల్‌..అని సందేశం..రాడ‌ర్‌కు చేరిన మాట‌లు..అంతా నిశ్శ‌బ్దం..అవే వారి నోట చివ‌రి మాట‌లు..మ‌ళ్లీ ఏమీ విన‌ప‌డ‌లేదు. జెట్ అదృశ్యం. అదే క‌థ పునరావృతం..ఇప్ప‌టికే అధికారిక‌, అన‌ధికారిక లెక్క‌ల ప్ర‌కారం ఈ ట్ర‌యాంగిల్ మీదుగా ప్ర‌యాణించిన వంద‌ల వేల నౌక‌లు, విమానాల ఉనికి దొరికితే ఒట్టు.

1780 నుంచి అనేక ర‌వాణా, ప్ర‌యాణికుల భారీ నౌక‌లు బెర్ముడా ట్ర‌యాంగిల్ ప్రాంతంలో ప్ర‌యాణిస్తూ మ‌టుమాయ‌మ‌య్యాయి. 59 సంవ‌త్స‌రాలుగా ఉద్ధృతంగా సాగిన శోధ‌న‌ల‌న్నీ విషాద‌గాథ‌లే.కోస్ట్‌గార్డ్‌

రిపోర్టులు, యూఎస్ స్టేట్ రిజిస్ర్టీ లెక్క‌ల ప్ర‌కార‌మే 75 విమానాలు, 2 వేల పైచిలుకు నౌక‌లు స‌ముద్ర‌ గ‌ర్భాన క‌లిసిపోయాయి. 1949-71 మ‌ధ్య ఈ ప్రాంతంలో స్టార్ ఏరియ‌ల్, ఫ్లైట్ 19, ఏవియ‌న్ ఎ 16, పిబిఎం, స్టింగ్ 27 విమానాలు క‌నుమ‌రుగ‌య్యాయి. నాలుగింజ‌న్ల కెబి 50 ఏరియ‌ల్ టాంక‌ర్ క‌థా విషాద‌గాథే. 19,20 శ‌తాబ్దాల్లో మాయ‌మైన ప్ర‌ఖ్యాత నౌక‌లు రిట‌,ట‌మండ్ర‌(1917), 309 మంది ప్ర‌యాణికుల‌తో ప్ర‌యాణించిన‌ సిక్లాప్ (1918), కొటావిక్స్ (1925), సుడ‌ప్కొ (1926), 34 మంది ప్ర‌యాణికుల ది ట్రామ్ ఆంగ్లో ఆస్ర్టేలియన్‌ (1938), మేడ్కొ (1948), సాండ్ర (1950), హోమ్‌స్టేట్ హోమ్ (1955), య‌ల్‌రెవెన్ (1958) నీటి పాల‌య్యాయి. 1960-63 మ‌ధ్య ఎథెల్ సి, క‌లిస్టా 3, ఎవెంజ‌లిన్‌, విండ్‌పాల్‌, మెరెన్ స‌ల్ఫ‌ర్ క్వీన్‌..విన్‌క్రాఫ్ట్‌ద‌యితే విజ‌యంలో అప‌జ‌యం. హార్బ‌ర్ ముంగిట‌కు వ‌చ్చాక కోస్ట్‌గార్డ్‌లు అక్క‌డ‌కి చేరుకొనే 19 నిమిషాల వ్య‌వ‌ధిలో నీట మునిగిపోయింది.

1975లో డ‌చ్‌ట్రీట్‌, క‌లియా3, ఎస్ఎస్ ఫాయ‌ల్‌, పాలిమ‌ర్‌3, రియ‌ల్ షైన్‌ల ప్ర‌యాణ‌మూ విషాద‌కాసార‌మే.

జామ్నిక్ కె-1995(1999), వెస్టిండీస్ తీర‌జ‌లాల్లోకి ప్ర‌వేశించాక ట్రోపిక్‌బ‌ర్డ్ (2000)జ‌లాల్లో మునిగిపోయింది.

ఎందుకిలా..

విప‌రీత ఎల‌క్ట్రో మాగ్నేటిక్ వేవ్సే కార‌ణ‌మ‌న్న‌ది ఇప్ప‌టి వ‌ర‌కు శాస్త్ర‌వేత్త‌ల ప్రాథ‌మిక ప‌రిశోధ‌నా భావ‌న‌. కాల‌చ‌క్ర‌గ‌మ‌నంలో అసాధ్య‌మ‌న్న‌దే మ‌నిషికి లేదు. ఈ మిస్ట‌రీ ట్ర‌యాంగిల్ లోగుట్టు ఛేద‌న భ‌విష్య‌త్‌లో మ‌న‌కు సాధ్య‌మే.

_______________________________________________________________

* స్వ‌దేశంలో ఇంగ్లాండ్‌తో జ‌రుగుతున్న 5 వ‌న్డేల సీరీస్‌లో ఇంత‌వ‌ర‌కు జ‌రిగిన మూడింటా గెలిచి భార‌త్ విజ‌య‌బావుటా ఎగుర‌ వేసింది.

* స్టాక్‌హోమ్ ఓపెన్ టెన్నీస్‌లో రోహ‌న్‌బొప‌న్న (భార‌త్‌), ఖురేషీ (పాకిస్థాన్‌)ల జోడీ ఫైన‌ల్లో బాగ్దాటిస్ (సైప్ర‌స్‌), డెల్‌పొట్ర (అర్జెంటినా)ల‌పై గెలిచి టైటిల్ సాధించింది.

* చిత్తూరు జిల్లా నుంచి న‌ఫీసా ఒకే కాన్పులో ఇద్ద‌రు  ఆడ‌, ఇద్ద‌రు మ‌గ పిల్ల‌ల‌కు జ‌న్మ‌నిచ్చింది.

_______________________________________________________________

లిండ్సే లోహ‌న్‌కు జైలు-బెయిలు

బంగారు ఆభ‌ర‌ణాలు పోయాయ‌ని ఫిర్యాదు చేసి కోర్టుకు హాజ‌రుకాని హాలివుడ్ న‌టీమ‌ణి లిండ్సే లోహ‌న్‌ తొలుత 36 గంట‌ల సామాజిక సేవాశిక్ష‌కు గుర‌యింది. ఆ కార్య‌క్ర‌మంలో కూడా పాల్గొన‌క కోర్టు ధిక్కారానికి పాల్ప‌డ్డంతో ఆమెకు న్యాయ‌స్థానం జైలు శిక్ష విధించింది. చివ‌రికి ల‌క్ష డాల‌ర్ల పూచీక‌త్తుపై బెయిల్ పొంది బ‌తుకు జీవుడా అని బ‌య‌ట‌ప‌డింది.